miércoles, 12 de noviembre de 2014

12 de Novembro

ANO TRAS ANO os seus nomes xurden do recordo. Vítimas da sinrazón, o odio e o inexplicable. Eles morreron e foron silenciados para seguir elevando o grao de maldade que o ser humano é quen de acadar. Hoxe os seus nomes volven para que lembremos, sobre todo para que lembremos. Lembrar é respectar o que foron, acompañar aos seus descendentes e honrar o seu sacrificio. Os seus nomes esmagan aos daqueles que remataron coas súas vidas, impresos nos libros de historia, pero alonxados das nosas mentes e corazóns.
É unha mágoa ese puntual traslado de data da tradicional homenaxe que esta cidade lles rende ano tras ano. A data é a data e as cousas podían axustarse ao verdadeiro sentido deste día.
Hoxe fican gravados: José Adrio, Germán Adrio, Telmo Bernárdez, Amancio Caamaño, Víctor Casas, Ramiro Paz, Juan Rico, Paulo Novás, Luis Poza e Benigno Rey.

Entre Dous. Diario de Pontevedra 12/11/2014

No hay comentarios:

Publicar un comentario